ජාලයෙන් පිට ලබා ගන්නා ඇමතුම් සඳහා ගාස්තුව රු 1.50 දක්වා පහලට

සියලුම දුරකථන සබඳතාවලදී අදාළ ජාලයෙන් පිට ලබා ගන්නා ඇමතුම් සඳහා(outgoing)ගාස්තු මිනිත්තුවකට රුපියල් 1.50 ක් දක්වා අඩු කළ බව විදුලි සංදේශ නියාමන කොමිෂන් සභාව පවසයි.

ඒ අනුව මෙතෙක් අදාළ ජාලයෙන් පිටතට ලබා ගන්නා ඇමතුම් සඳහා වූ අවම ගාස්තුව වූ රු.2.00 වෙනුවට ජූලි මස 1 වන දින සිට අය කරනු ඇත්තේ රුපියල් 1.50 ක් පමණක් බව විදුලි සංදේශ නියාමන කොමිෂන් සභාව කියා සිටියි.

රජය විසින් මෙවර අයවැයෙන් ජනතාවට ලබාදුන් පොරොන්දුවක් ඉටු කරමින් මෙම ක්‍රියා මාර්ගය ගත් බව කොමිෂන් සභාව වැඩිදුරටත් සඳහන් කරයි.