Friday, June 18, 2010

අවුරැදු 20 කින් මිලියන 5 සොයන්න

නෙට් එකේ ඇඩ් ක්ලික් කරලානම් නොවේ. හැබැයි ටිකක් මහන්සි වෙන්න වෙයි. මෙන්න ක්‍රමය-

දැනට විශාල ඉල්ලුමක්‌ පවතින දැව විශේෂයක්‌ වන තේක්‌ක ගසට වැඩි ජන අවධානයක්‌ යොමු ව තිබේ. තේක්‌ක ගසක්‌ වවා ගැනීමෙන් ලැබෙන ආර්ථික වාසිය දන්නා බොහෝ දෙනෙක්‌ ඉඩ ඇති තැනක තේක්‌ක පැළයක්‌ දෙකක්‌ වවා ගන්නට උනන්දු වෙති. එහෙත් තේක්‌ක ගස වවා ගන්නා පිළිවෙළක්‌ තිබේ. එසේ නො කළ හොත් අපේක්‍ෂා කරන ප්‍රතිඵල නො ලැබේ. එම පාලනය දැනගෙන ඒ අනුව කටයුතු කිරීම අත්‍යවශ්‍ය වේ.

තේක්‌ක ගස (Verbenaceae) වර්බේනේසියේ ශාක කුලයට අයත් ය. නිවර්තන කලාපීය හා උප නිවර්තන කලාපීය රටවල විශේෂයෙන් දැකගත හැකි ය. ප්‍රධාන වශයෙන් විශේෂ 03ක්‌ ලොව පුරා ව්‍යාප්ත ව ඇති බව සඳහන් වේ. ඒ විශේෂ පහත සඳහන් වේ.

Tectona grandis
Tectona hamiltoniana
Tectona philippinensis

ලෝකයේ වැඩි ම ඉල්ලුමක්‌ පවතින විශේෂය වන Tectona grandis සඳහා වැඩි ප්‍රසිද්ධියක්‌ පවතී. ආසියාවේ දකූණුදිග ප්‍රදේශයේ සහ දකුණු නැඟෙනහිර ආසියාතික රටවල ව්‍යාප්ත ව පවතී.

Tectona hamiltoniana විශේෂය බුරුම තේක්‌ක ලෙස හඳුන්වයි. මේ විශේෂය බුරුමයේ වියළි ප්‍රදේශවල ව්‍යාප්ත ව පවතී.

Tectona philippinensis විශේෂය පිලිපීනයේ මින්දනාවෝ සහ බටන්ගස්‌ යන දූපත්වල ව්‍යාප්ත ව පවතින විශේෂයක්‌ වේ.

තේක්‌ක බොහෝ රටවල ව්‍යාප්ත ව පවතින වන වගාවක්‌ ලෙස මේ වන විට පත් ව තිබීම විශේෂත්වයකි. බුරුමය, ඉන්දියාව, තායිලන්තය, ජාවා දූපත, ඉන්දුනීසියාව, ලාඕසය, නේපාලය, බංග්ලාදේශය, පකිස්‌තානය, මැලේසියාව, පිලිපීනය, වියට්‌නාමය, අප්‍රිකානු රටවල්, කැරිබියන් දූපත් සහ දකුණු හා මධ්‍යම ඇමෙරිකානු රටවල ද වගාව ව්‍යාප්ත ව පවතින බව සඳහන් වේ.

විවිධ දේශගුණ රටාවන් තුළ වගා කළ හැකි බෝගයක්‌ වීම තේක්‌ක වගාවේ ව්‍යාප්තියට හේතු වේ. වියළි දේශගුණය වඩාත් ප්‍රිය කරන බෝගයකි. සාමාන්‍ය උෂ්ණත්වය අංශක 32-44 යටතේ වගා වන බෝගයක්‌ වීම ද විශේෂත්වයකි. වාර්ෂික වර්ෂාපතනය මි.මී. 1000-1500 දක්‌වා පැවතීම ද වගාවට සෑහෙයි. අප රටේ ද වියළි හා අන්තර් මධ්‍යම කලාපීය ප්‍රදේශවල හොඳින් වගා කළ හැකි ය. පසෙහි පවතින සාරවත් බව මත ගසෙහි වර්ධනය වේගය ර¹ පවතී. ගැඹුරු ජලවහනය සහිත, සාරවත්, මැටි, වැලි ලෝම පස වඩාත් හිතකර ය. ච්‍ය අගය 6.6-7.5 අතර වන පස තේක්‌ක ගස හොඳින් වැඩීමට උපකාර වේ. ඉක්‌මන් වර්ධන වේගයක්‌ පවත්වා ගැනීම මේ වගාවේ දී ඉතා වැදගත් වේ.

තේක්‌ක ශාකය ආලෝකය ප්‍රිය කරයි. ඉතා පළල් වූ පත්‍ර හට ගනියි. පතනශීලී පත්‍ර සහිත ය. නොවැම්බර්, ජනවාරි මාසවල පත්‍ර හැළී තිබෙනු වගාවක පැහැදිලිව දැකිය හැකි ය. අප්‍රේල්, ජුනි මාසවල අලුත් පත්‍ර හට ගනී. පුෂ්ප හටගන්නා විට අලංකාරයක්‌ ගෙන දෙයි. කුඩා සුදු පාට පුෂ්ප මංජරි වශයෙන් ඇති වේ. ජුනි- අගෝස්‌තු දක්‌වා මේ පුෂ්ප හටගනී. මෙයින් හටගන්නා බීජ සිටුවීමට යොදාගනී. බීජවල ඝන බීජ ආවරණයක්‌ ඇති හෙයින් ස්‌වාභාවිකව ප්‍රරෝහණය වීම අඩු ය. තේක්‌ක බීජවලින් ලබාගන්නා පැළ සිටුවීමට යොදාගත හැකි ය. බීජ තවාන් කර පැළ ලබාගන්නා අතර හොඳ බීජ තෝරා පැළ කිරීමට යොදාගත යුතු ය. දුර්වල වූ බීජ ඉවත් කිරීමත්, බීජ ප්‍රතිකාර කිරීමත් අවශ්‍ය වේ.

තේක්‌ක බීජ පැළ කරන ක්‍රමය මෙසේ ය. මෝරන ලද තෝරාගත් තේක්‌ක බීජ දින 3ක්‌ ජලයේ පෙඟෙන්නට හැර ඉන්පසු ගොඩගෙන මඳ පවනේ තුනී කර තැබිය යුතු ය. මෙසේ දින 03ක්‌ තබා නැවතත් දින 2ක්‌ ජලයේ බහා තැබිය යුතු ය. ඉන්පසු නැවත ගොඩට ගෙන දින 2ක්‌ තුනී කර තබා නැවත දින 01ක්‌ ජලයේ පෙඟවීම අවශ්‍ය ය. ඉන්පසු නැවතත් දින 01ක්‌ එම බීජ මඳ පවනේ තුනී කර තැබීම අවශ්‍ය ය. සැම අවස්‌ථාවක ම ගොඩ ගන්නා බීජ මඳ පවනේ හොඳින් තුනී කිරීමට අවධානය යොමු කිරීම අවශ්‍ය ය. මේ ආකාරයට අවසාන දින වන විට දින 12ක්‌ ගත වී තිබේ. අවසාන වරට ගොඩ ගත් බීජ ගොඩගසා තෙත් ගෝනියකින් වසා දැමීම අවශ්‍ය ය. දිනපතා මේ ගෝනි තෙත් කළ යුතු වේ. දින 14ක්‌ ගත වන විට ප්‍රරෝහණය වූ බීජ දැකගත හැකි ය. පසේ ප්‍රරෝහණය වූ බීජ පමණක්‌ පාත්තිවල සිටුවීමට යොදාගත යුතු ය.

මේ බීජ පැළ මාස 6-8ක්‌ යන විට සෙ.මී. 15-60ක්‌ උසට වැඩෙයි. පොහොර මිශ්‍රණයක්‌ යෙදීම, වල් පැළෑටි මර්දනය, කෘමිනාශක යෙදීම ආදිය මඟින් පැළවල සාර්ථකභාවය වැඩි කළ හැකි ය. හොඳින් වැඩුණු පැළ (පැන්සලක්‌ හෝ ඊට වැඩි ප්‍රමාණයට) පරෙස්‌සමෙන් ගලවා ගෙන ඉහළ අග්‍රස්‌ථ කොටස ඉවත් කළ යුතු ය. එසේ සූදානම් කරගත් මුල් කැබැලි වෙනත් පොලිතීන් බෑගයකට මාරු කර තවත් සති 2-6කට පසු සිටුවීමට යොදාගත යුතු ය.

තේක්‌ක මුල් කැබැලි සිටුවීමට ගන්නා විට වළවල් හෑරීමට අවශ්‍ය නො වේ. සෙ.මී. 20ක්‌ පමණ ගැඹුරට අලවංගුවකින් වළක්‌ හාරා තේක්‌ක මුල් කැබැල්ල අඟල් 1ක්‌ පමණ පොළොව මට්‌ටටම උඩින් සිටින ලෙසට එම වළෙහි තැන්පත් කර ඉන්පසු පස්‌ හොඳින් තද කර මුල සකස්‌ කර ගැනීම කළ යුතු ය.

තේක්‌ක වගාව ගොඩ ඉඩම්වල ද, ගෙවතුවල ද, වැට මායිම්වල ද, විශාල ඉඩම්වල වන වගාවක්‌ ලෙස ද සිදු කෙරෙයි. විවිධ පස්‌වල වගා කළ හැකි ය. බොහෝ විට අලුතින් කපා හෙළි කළ ඉඩම්වල ද, සරුවට තේක්‌ක ගස්‌ වැවී තිබෙනු දැකිය හැකි ය.

වාණිජ තේක්‌ක වගාවල දී අඩු පරතරයක්‌ ඇති ව පැළ සිටුවා පසුව තුනී කිරීම සඳහා වැඩිපුර ඇති ගස්‌ කපා ඉවත් කරයි. කුඩා පැළ වර්ධනයේ දී තරගකාරී තත්ත්වයක්‌ ඇති කිරීම මඟින් උසට කෙළින් වැඩුණු ගස්‌ ඇති කරගත හැකි ය. වාණිජ වගාවල දී පරතරය මීටර්

2 3/4 x 2 3/4 වන ලෙස තබාගනී. මේ පරතරය යටතේ හෙක්‌ටයාරයකට පැළ 1325ක්‌ පමණ අවශ්‍ය වේ. වැට මායිම්වල හෝ කුඩා ඉඩම්වල හෝ මීටර් 5න්5 පරතරය තබා සිටුවීම කරනු ලැබේ.

තේක්‌ක පැළ සිටුවා ඒවා නිසි පරිදි නඩත්තු කිරීම මඟින් සාර්ථක ප්‍රතිඵල ලබාගත හැකි ය. පැළ වටා වල් පැළෑටිවලින් තොර ව තබා ගැනීම වැදගත් ය. පැළය වටේට මීටර් 1/2ක පමණ ප්‍රමාණයට කවාකාරව වල් නෙළා පිරිසිදුව තබා ගැනීම සුදුසු ය.
සුදුසු පොහොර මිශ්‍රණයක්‌ යෙදීම මඟින් පැළ සාර්ථකව වවා ගැනීමට පුළුවන. පැළ වටා පොහොර යොදා පස බුරුල් කරගත යුතු ය.

වගාවේ වැදගත් ම අංශය වන්නේ උසස්‌ දැව නිපදවා ගැනීමට හැකි වන පරිදි පවත්වා ගැනීම ය. කඳ මැදින් හා පහත ඇති අතු ඉවත් කර කඳ වටේ වැවෙන වෙනත් ශාක වැල් ආදිය තිබේ නම් ඒවා ද ඉවත් කිරීම අවශ්‍ය ය. තේක්‌ක ශාකයකට සිදු වන පළිබෝධ හානි ලෙස පත්‍ර කා දමන කෘමීන්, වේයන් සහ කොක්‌වාපර් පණුවා හැඳින්විය හැකි ය. එහෙත් මේ හානි එතරම් හානිදායක ලෙස වාර්තා වී නැත.

තේක්‌ක දැව සඳහා තිබෙන්නේ විශාල ඉල්ලුමකි. කුඩා රවුම් දැව ලෙස අවුරුදු 15-20 වයස්‌ වූ විට ද, මේරූ දැව ලෙස අවුරුදු 30-40 වයස්‌ වූ විට ද තේක්‌ක ශාක කපා ගනු ලබයි. තේක්‌ක දැව ඉවත් කිරීමේ දී ශාක සියල්ල එකවර ඉවත් කරනු නො ලබයි. අවස්‌ථා 5ක දී පමණ ශාක තුනී කිරීම සාමාන්‍යයෙන් කරනු ලබයි. දේශගුණික තත්ත්වයන් සහ පාංශූ සාධක මත වර්ධන වේගය වෙනස්‌ වන හෙයින් ලබාගත හැකි දැව ප්‍රමාණයේ වෙනස්‌කම් ඇති විය හැකි ය. ප්‍රථම තුනී කිරීම මඟින් ඉවත් වන ගස්‌ වැට කණු, රවුම් දැව ආදියට යොදාගනී. ගසේ කඳෙහි විෂ්කම්භය අනුව දැවවල වටිනාකම වෙනස්‌ වේ. හෙක්‌ටයාර එකක ඉඩමකින් ලබාගත හැකි දැව ප්‍රමාණයට ලැබෙන ආදායම රුපියල් ලක්‍ෂ 25-60 දක්‌වා වන බව වන සංරක්‍ෂණ දෙපාර්තමේන්තුවේ තොරතුරු වාර්තාවල සඳහන් වේ.

ඉතින් කොළඹින් පිට( අම්පාර මොනරාගල වැනි ප්‍රදේශ වලින් අක්කර තුන හතරක ඉඩම් කෑල්ලක් ලක්ෂකට දෙකකට ගන්න පුළුවන් වේවි.) අක්කර තුන හතරක ඉඩමක් අරන් තේක්ක දැම්මොත් නරකද?

Friday, June 11, 2010

ශ්‍රී ලාංකික සිංහල අපට ගැලපෙන වෙබ් බ්‍රව්සරය කුමක්ද?


වාක්‍ය කිහිපයක් Internet Explorer, Mozilla Firefox,  Opera, Google Chrome යන වෙබ් බ්‍රව්සර් වලින් පෙනෙන ආකාරය පහත දැක්වේ          


Internet Explorer වලින් දැක්වෙන ආකාරය  






Mozilla Firefox,  Opera, Google Chrome  යන තුනෙන්ම දැක්වෙන ආකාරය             
     







සිංහල අපට නොගැලපෙනම වෙබ් බ්‍රව්සරය Microsoft ලාගේ Internet Explorer නොවේද? මා පාවිච්චි කරන OS  එකද  Microsoft ලාගේම Windows7 ය. වෙබ් බ්‍රව්සර් වලින් අඩුවෙන්ම සිංහල unicode වලට සහය දක්වන්නේ Microsoft ලාගේ Internet Explorer ය. මෙවුන්ගේ මිලග සංස්කරනයේවත්  මෙම අඩුවට පිලියම් යොදයිද?                                                                                                         


Sunday, May 30, 2010

S B ගේ පුද්ගලික විශ්ව විද්‍යාල ශ්‍රිලංකාවට ගැලපේද?

S B ගේ පුද්ගලික විශ්ව විද්‍යාල කතන්දරය ගැන ඹබ කුමක් සිතන්නේද?  දැනට ශ්‍රි ලංකාවේ විශ්ව විද්‍යාල වලින් පිටවන උපාධිධාරින්ට අප රට තුල රැකියාවක් සොයා ගැනිම ඉතා අපහසු කටයුත්තක් වන අතර එයට පුද්ගලික විශ්ව විද්‍යාල කතන්දරය ගැටළුවක් කර නොගත යුතුය.ලංකාවේ පවතින රැකියා වලට ගැලෙපෙන උපාධි පාඨමාලා ඇත්තේ කියෙන් කියද? මේවා අප රටට ගැලපෙන වෙනස්කල යුතු නොවේද?  

මට හිතෙන විදිහට අපරට තුලට විදේශ විනිමය ගෙන්වා ගැනිමට හා අප රටේ අනාගත පරපුරට මෙමගින් ( නොමිලේ ටික දෙනෙකුට හෝ ) අවස්ථාවක් ලැබෙන්නේ නම් S B ඇමතිතුමාගේ මෙම උත්සහය අගය කල යුතු නොවේද?

තවත් සමහරෙකුට කිව හැකියි මෙමගින් අධ්‍යාපනය පුද්ගලිකරනය වන බවත් අධ්‍යාපනය මුදලට විකිනෙන බවත්. ඔව් ඇත්ත එසේ විය හැකියි. නමුත් අධ්‍යාපනය අමුතුවෙන් පුද්ගලිකරන කිමටත් විකිනීමටත් අවශ්‍ය නැත. එය සිසු සිසුවියන්ගේ දෙමාපියන්ගේ අශිර්වාද මැද ටියුෂන් ගුරැවරැන් ජයටම කරගෙන යයි. අද දෙකේ තුනේ පංතියේ සිට දොළහ දහතුන පංති දක්වාම සියළුම විෂයන් සදහාම ටියුෂන් පවත්වාගෙන යයි. විශේෂයෙන්ම පාසැල් පැවැත්වෙන කාලයේත් (උදේ 7.30 සිට දහවල් 1.30)  මොවුන් පංති පවත්වා ගෙන යයි.   

දැන් අධ්‍යාපනය විකුණා අවසන් නොවේද? තවත් විකිනීමට දෙයක් ඉතිරි වී තිබේද? ඉතින් පුද්ගලික විශ්ව විද්‍යාල ශ්‍රිලංකාවට නොගැලපේද?



Anonymous  active කර ඇති නිසා බනින්න අවශ්‍ය අයට හොදට බනින්න පුළුවන්.  බනින සමහර අය නිදහස් අධ්‍යාපනය ගැන කතා කලාට හවසට හවසට ටියුෂන් එකක් කරලා කියක් හරි හොයා ගන්න අය වෙන්නත් පුළුවන්.  

Saturday, May 22, 2010

සනත් ජයසුරිය මට කරපු දේ...

සනාට මම facebook එකේ කොමට් එකක් දැම්මා දැන් ඇති ක්‍රිකට් ගැහුවා අයින් වෙන්න. ක්‍රිකට් ගැන හිතන්නවත් එපා ලංකාවේ ක්‍රිකට් නැතිකරන්න එපා කියලා. හැබැයි මම කොමට් එක දැම්මේ සනා දාලා තිබුනු රනවිරු උපහාරයටයි. මම මෙහෙමත් දැම්මා යුද්දෙට නායකත්වය දුන් පුද්ගලයා හිරේ ඉද්දි මොන රනවිරැ උපහාරද කියා. මේකද ප්‍රජාතන්ත්‍රවාදය කියලත් ඇහුවා.




මම කොමට් එක දැම්මේ මේ මාසේ 18 වෙනිදා හවස ඊට පස්සේ නැවත මම facebook එකට log වෙන්න හැදුවේ 19 වෙනිදා හවස දෙකට විතර බලන කොට මගේ account එක disable කරලා.

පස්සේ මම අපේ මල්ලි කෙනෙකුට call කරලා මම facebook එකේ ඉන්නවද බලන්න කිව්වා. බැලුවට පස්සේ මම පිළිබද කිසිම සදහනක් නැති බවත් මට දාපු කොමට් තියෙන බවත් මම දාපු කොමට් නැතිබවත් දැනගන්නට ලැබුනා.

මට තියෙන ප්‍රශ්නය මාව facebook එකෙන් ඉවත් කලේ ජයසුරියට ක්‍රිකට් ගහන්න එපා කියපු එකද? නැතිනම් සරත් පොන්සේකා මැතිතුමා හිරේ ඉන්නවා කියපු නිසාද?



මෙය රජයෙන් කල දෙයක්ද?

මේකද මහලොකුවට කතා කරන ශ්‍රි ලංකාවේ ප්‍රජාතන්ත්‍රවාදය?



ජයසුරිය ගැන කතා කලොත් දැන් මෙයා ට ටෙනිස් බොලයක් දැම්මත් හරියට ගහන්න බැහැ එත් ලොක්කගේ බලාපොරොත්තුව 2011 ලෝක කුසලානයලු එහෙම වුනොත් ලංකාවට සෙල්ලම් කරන්න වෙන්නේ 10 එක්ක හා අනිත් පිලේ 12 ක් එක්ක. ලංකාවේ ක්‍රිකට් ඉවර කරන්න කොන්ත්‍රාත් එකක් අරන්ද දන්නේ නැහැ.

මුන්දා හින්දා අළුත් කොල්ලෝ කියක් එළියෙද? 40 පැන්නැම ඇස් පේන්නෙත් අඩුවෙන්ලුනේ.නම්බුකාර විදිහට සමුගන්න තිබුනු අවස්ථා කීයක් මග හැර ගත්තද? දැන් ඉතින් තියෙන්නේ ලොකු මහත්තයෝ පැදුරටත් නොකියා සමුගන්නා එකයි.



කොච්චර මෙයාට බැන්නත් මෙයාව බලෙත් ඔපනින් එවලා පකිස්තානයට සාජා වලදි දඩි බිඩි ගලා ගහපු ලකුණු 30 න් ආරම්භ කරපු ගමනට 2009 විතර වෙන තෙක් දෙයියෙකුට වගේ අපි සැලකුවනේ.

Sunday, May 16, 2010

හොදම සැටලයිට් ටෙලිවිෂන් අත්දැකීම හෙවත් dialog tv මුලාව

ශ්‍රි ලංකාව තුල සැටලයිට් ටෙලිවිෂන් ආයතන එකක් පමනක් පැවතීම නිසා මිනිසුන් මුලා කරමින් අයුක්ති සහගතව ඉතා අසාධාරණ ලෙස මිනිසුන් ගෙන් මුදල් කොල්ල කැමට dialog tv ආයතනය කටයුතු කරගෙන යයි.




කොළඹ හා ශ්‍රි ලංකා‍ෙව්  වෙරළ ආසන්නයේ ජිවත්වන ජනතාවට නම් මෙය එතරම් ප්‍රශ්ණයක් නෙවනු ඇත. ඊට හේතුව එම ප්‍ර‍ෙද්ශවලට ඇන්ටනාවක් මගින් ශ්‍රි ලංකා‍ෙව් විකාශනය වන සියළුම channel නැරඹිය හැකිය. ටිකෙන් ටික රට ඇතුලට යැමේදි පැන නැගෙන ප්‍රධානම ප්‍රශ්ණය වනුයේ ඇන්ටනාවක් මගින් TV channel හරි හැටිව නැරඹිය නොහැකි විමයි.



මෙය හදුනා ගත් කලින් dialog tv ආයතනය RS 100 කට lite100 package එක හදුන්වා දෙන ලදි. එම කාලය තුල විශාල ප්‍රමානයක ජනතාවක් dialog tv සම්බන්ධතාවය ලබා ගත්තේය. පසුව lite100 package එක lite250 package බවට වෙනස් කරන ලදි.



dialog ආයතන‍ෙය් අයිතිකරැවන් වෙනස් විමෙන් පසුව lite100 package එක RS 199 ද ඊට පසුව RS 250 දක්වා අසාධාරණ ලෙස වැඩි කරන ලදි. lite250 package එක RS 500 දක්වා ඉතා අසාධාරණ ලෙස වැඩිකරන ලදි.



තවද සමහර අවස්ථා වලදි (cricket match විකාශනය වන අවස්ථා වලදි channel eye ) channel අත්හිටවයි. සමහර නොමිලේ දුන් channel ආගිය අතක් නැත. මේකද මේ අයගේ හොදම සැටලයිට් ටෙලිවිෂන් අත්දැකීම.





dialog tv පාරිභොගිකයින් එකතු වි යමක් කිරිමට කාලය දැන් එළඹ ඇත.



අපි දැන් කුමක් කරමුද?

Friday, April 30, 2010

ගණීතය ට පෙර වදනක් අපොස (සා පෙළ) සිසුන්ට විශේෂයි


මේ ලිපිය මෙම වසරේ අපොස (සා පෙළ) විභාගයට පෙනී සිටින සිසු සිසුවියන්ට, ගිය වසරේ පෙනී සිට අසමත් සිසු සිසුවියන්ට, දැනට 10 වසරේ ඉගෙනුම ලබන සිසු සිසුවියන්ට බෙහෙවින් වැදගත් වනු ඇත.






අද පාසැල් සිසු සිසුවියන් බ්ලොග් කියවිමට පමනක් නොව බ්ලොග් ලිවීමටත් කටයුතු කරන අවදියක් නිසා බ්ලොග් එකක් මගින් ඔවුනොවුන්ට යම්කිසි දැනුමක් නැතහොත් විෂය කරැනු මතක් කර දිමක් කිරිමට මම බලාපොරොත්තු වෙනවා.



මම කලින් ලබා දුන් ජ්‍යාමිතිය පාඩම මෙන්ම මෙයත් pdf file එකක්ලෙස ඔබට download කර ගත හැකියි.





මෙහි විෂය කරැනු විශාල ප්‍රමානයක් ඇති අතර අවශ්‍ය අය මෙතනින් බා ගන්න.



පසුගිය ජ්‍යාමිතිය පාඩම අවශ්‍ය අය මෙතනින් ගන්න.

Saturday, April 24, 2010

YOU TUBE වලින් video download කරන්න පහසුම ක්‍රමයක් මෙන්න

YOU TUBE වලින් video download කරන්න ගිහින් අමාරුවේ වැටුන හොයා ගත්තා ලේසි ක්‍රමයක්.( තරහා වෙන්න එපා මම හොයා ගත්තා කිව්වට මොකද මට කලින් ගොඩක් අය හොයා ගෙන ඇති . ඒවුනාට මම දන්නේ නැහැනේ ඒගොල්ලෝ හොයා ගත්තා කියලා)


මේක වෙන මුකුත් නොවේ software එකක් . මේකේ නම තමයි YouTubeDownloader මේක පාවිච්චි කරලා YOU TUBE එකේ තියෙන ඕනම video එකක් download කරගන්න පුළුවනි.




අපිට කරන්නේ තියෙන්නේ සුළු දෙයයි.


YOU TUBE එකේ අවශ්‍ය video එක මත right click කරලා ලැබෙන menu එකේ copy link Address කියන තැන click කරලා Address එක copy කර ගන්න. ඊට පස්සේ software එක open කරලා එකේ Enter the video URL කියන තැනට paste කර ගන්න.( Address එක copy කරගත් විට ඉබේම paste වේවි.) ඊට පස්සේ OK කරන්න විතරයි තියෙන්නේ.

කරලම බලන්නකෝ YouTubeDownloader software එක මෙතනින් බා ගන්න

පස්සේ හොද නරකත් කියන්නකෝ