ඖෂධ පරිභෝජනය ආහාර පරිභෝනය තරමට ම අද අපේ ජනතාවට සමීප වී ඇති බව පැහැදිලි ය. ඖෂධ පමණක්‌ නො ව ඖෂධ මුහුණුවරින් තවත් දේ ඉවක්‌ බවක්‌ නැතිව රටට ගොඩබැසීමේ අවකාශය සැලසී ඇත්තේ ඒ අනුව ය. එලෙස රටට ද, ෆාමසියට ද, ඇතැම් වෛද්‍යවරුන් ගේ දිගු වට්‌ටෝරුවට ද, අවසානයේ කොයි කාගේත් උදරයට ද ගොඩ වන බෙහෙත් නො වන වෙනත් දේ පිළිබඳව විමසිලිමත් වීම බෙහෙවින් වැඩදායක ය. එවැනි විමසිලිමත් වීමකින් අවම විය හැක්‌කේ නැති ලෙඩ ගොඩ වීමේ ඉඩ ය.
ඖෂධයක්‌ ලෙස සඳහන් වන්නේ රෝග විනිශ්චයකට, ප්‍රතිකාරයකට, රෝගයක්‌ කායික අසාමාන්‍යතාවක්‌ හෝ ඒ හා බැඳෙන රෝග ලක්‌ෂණයක්‌ වළක්‌වන්නට, බැහැර...
