Wednesday, September 12, 2012

පිතිකරු ලැයිස්තුවේ ඉහළ ස්ථානයක් -ඇන්ජලෝ මැතිව්ස්



විස්සයි- 20 ලෝක කුසලාන තරගාවලියට සමබර කණ්ඩායම් තෝරා ගැනීම සඳහා ශ්‍රී ලංකා ක‍්‍රිකට් ආයතනය පළමු වරට සංවිධානය කළ එස්.එල්.පී.එල්. තරගාවලිය ශ්‍රී ලංකාවට හොඳ අවස්ථාවක් වූ බව ශ්‍රී ලංකා පිලේ උප නායක ඇන්ජලෝ මැතිව්ස් පැවසීය.
සිවුවැනි විස්සයි-20 තරගාවලිය මේ මස 18 වැනිදා හම්බන්තොටදී ආරම්භ වෙයි. මෙම තරගාවලිය සම්බන්ධයෙන් අද (11) පස්වරුවේ කොළඹදී පැවැති මාධ්‍යහමුවේදී ශ්‍රී ලංකා පිලේ උප නායක ඇන්ජලෝ මැතිව්ස්, අජන්ත මෙන්ඩිස් සහ තිසර පෙරේරා මෙසේ අදහස් දැක්වූහ.
‘‘වර්ෂාව හේතුවෙන් අපතේ ගිය පුහුණු අවස්ථාවන් එස්. එල්. පී. එල්. තරගාවලිය නිසා ආවරණය කර ගැනීමට හැකියා ලැබුණා. අපි සතුව ශක්තිමක් පන්දු යැවීමේ බලයක් ඉන්නවා, ඒ වගේම අංක හත පිතිකරු දක්වා සියලූ දෙනාම එකවගේ දක්‍ෂයි, ඒ නිසා ලෝක කුසලාන තරගාවලියේ ඉදිරියට යන්න බලාපොරොත්තුවෙන් ඉන්නවා’’ යැයි මැතිව්ස් පැවසීය.
පිතිකරු ලැයිස්තුවේ ඉහළ ස්ථානයක් ලැබුණොත් මීට වඩා සේවයක් කිරීමේ හැකියාවක් තිබේ යැයි මැතිව්ස් සිතන්නේ ද යන ප‍්‍රශ්නයට ඔහු මෙසේ පිළිතුරු සැපයීය.
‘‘පිතිකරු ලැයිස්තුවේ ඉහළ ස්ථානයක් ලැබුණොත් මීට වඩා සේවයක් කරන්න පුළුවන් යැයි මමත් හිතනවා. නමුත් කණ්ඩායමේ අවශ්‍යතාවය අනුව මා  ඕනෑම ස්ථානයක ක‍්‍රීඩා කිරීමට සූදානම්. මම උප නායකත්වය ගැන වැඩිය හිතන්නේ නෑ, සාමාන්‍ය විදියට ක‍්‍රීඩා කරනවා’’

1 comment:

  1. මමත් හිතනව අපේ කන්ඩායමට හොද අවස්තාවක් තියෙනව කියලා....

    ReplyDelete

කියන්න, බනින්න, ඔබේ අදහස්