Wednesday, October 5, 2011

ගුරුවරුන්ගේ වැටුප් තවත් පහලටද?

අධ්‍යාපන අමාත්‍යංශය මේ වනවිට සකස්‌ කර ඇති නව ගුරු සේවා ව්‍යවස්‌ථාවට අනුව අධ්‍යාපන විද්‍යා පීඨවලින් පුහුණුව ලබන ගුරුවරුන් ගුරු සේවා ව්‍යවස්‌ථාවට ඇතුළත් වීම සඳහා උපාධියක්‌ ලබා ගැනීම අවශ්‍ය වේ.

මෙතෙක්‌ ශේ්‍රණි පහක්‌ යටතේ පැවැති ගුරු සේවාව
ශේ්‍රණි හතරක්‌ දක්‌වා අඩු කර ඇති අතර අධි ශේ්‍රණියක්‌ද ඒ යටතේ වෙයි. අධි ශේ්‍රණියට ඇතුළත් විය හැක්‌කේ ගුරු උපදේශකවරුන්ට හා අංශ ප්‍රධාන ධුර දරන ගුරුවරුන්ට පමණි. මෙම ශ්‍රේණි හතරට අමතරව අන්තර්කාලීන ශ්‍රේණි වශයෙන් 3-i සහ 3-ii හඳුන්වා ඇති අතර විද්‍යා පීඨ පුහුණුව අවසන් කරන්නන් අයත් වන්නේ එම අන්තර්කාලීන ශේ්‍රණිවලටය. අන්තර්කාලීන ශේ්‍රණිවල සිටිමින් උපාධිය සම්පූර්ණ කිරීමෙන් පසුව ගුරු සේවයට ඇතුළත් විය හැකිය.

මීට වසර තුනකට පෙර අධ්‍යාපන අමාත්‍යාංශය විසින්ම අනුමත කරනු ලැබූ වැටුප් පරිමාණයන්ට වඩා අඩු වැටුප් තල නව ව්‍යවස්‌ථාවට ඇතුළත් කර ඇත. අමාත්‍යංශය අනුමත කළ වැටුප් පරිමාණයන්ට අනුව පළමු පන්තියේ ගුරුවරයකුගේ වැටුප රුපියල් 25,515 ක්‌ වුවත් නව ව්‍යවස්‌ථාවට ඇතුළත් කර ඇත්තේ රුපියල් 21,750 කි. දෙවැනි පන්තියේ පළමු ශේ්‍රණියේ ගුරුවරයකුට නව සේවා ව්‍යවස්‌ථාවෙන් යෝජනා කර ඇත්තේ රුපියල් 18,950 කි. අමාත්‍යංශය අනුමත කර තිබූ වැටුප් පරිමාණය රුපිsයල් 22935 කි.

මෙම කරුණු අනාවරණය වූයේ අධ්‍යාපන වෘත්තිකයන්ගේ සංගමය නාරාහේන්පිට අභයාරාමයේ ඊයේ (04 වැනිදා) පැවැත්වූ මාධ්‍ය හමුවේදීය.

ගුරු වෘත්තීය සංගම් සමඟ සාකච්ඡාවකින් තොරව සකස්‌ කර ඇති මෙම සේවා ව්‍යවස්‌ථාවට විරෝධය පළකරන බව එම සංගමයේ ප්‍රධාන ලේකම් ඥනරත්න වීරකෝන් මහතා පැවසීය. මෙම ව්‍යවස්‌ථාව බලහත්කාරයෙන් ක්‍රියාත්මක කළහොත් දැඩි වෘත්තීය ක්‍රියාමාර්ග ගන්නා බවත් ඒ මහතා සඳහන් කළේය.

1 comment:

  1. guruwaru weda karana vidihata oya salary eka ethi mage hite. 2ta gedarath yanawane. awruddata masa 3 niwadu???. kohomath thawa tika kalekin vidyapeeta walin guru sewayata ganna eka nawaththala degree eka compulsary karanna oni

    ReplyDelete

කියන්න, බනින්න, ඔබේ අදහස්