මෙන්න පොළිස් වැඩ - ආදරය කරන්න කප්පම් ඉල්ලු කොස්තාපල් මහත්හොරැ

කප්පම් ලබා ගැනීමේ චෝදනාව මත පොලිස් කොස්තාපල්වරුන් දෙදෙනෙකු හලාවත පොලිසිය විසින් ‍අත්අඩංගුවට ගෙන තිබේ.

හලාවත මුහුදු වෙරළේ සිටි පෙම්වතුන්ගෙන් මෙම කොස්තාපල්වරුන් කප්පම් ලබා ගෙන ඇති බව වාර්තා වේ.

පෙම්වතු‍න්ගෙන් රුපියල් 2000 බැගින් මුදල් ඉල්ලා පසුව රුපියල් 500ක මුදලක් ලබා ගෙන ඇති බවට මූලික පරීක්ෂණ වලින් හෙළි වී ඇති බව හලාවත පොලිසියේ නිලධාරියෙක් කියා සිටියේය.

මුදල් ලබා‍ නොදෙන්නේ නම් අත්අඩංගුවට ගෙන අධිකරණයට ඉදිරිපත් කරන බවට අදාළ පොලිස් කොස්තාපල්වරුන් විසින් තර්ජනය කළ බව පෙම්වතුන්‍ පොලිසියට දන්වා ඇති බව සඳහන් වේ.

පොලිස් කොස්තාපල්වරුන් අත්අඩංගුවට ගන්නා අවස්ථාවේ ඔවුන් අධික ලෙස බීමත්ව සිටි බව පොලිසිය වැඩිදුරටත් කියා සිටියි.