Saturday, April 23, 2011

ආබාධය සුව කර ගැනීමට මාලිංග ශ්‍රී ලංකාවට පැමිණිය යුතුයි - ශ්‍රී ලංකා ක්‍රිකට්‌ ලේකම් නොපැමිණියහොත් ඉදිරි ක්‍රියාමාර්ග ගන්නවා

ශ්‍රී ලංකා ක්‍රිකට්‌ කණ්‌ඩායමේ වේග පන්දු යවන ක්‍රීඩක ලසිත් මාලිංග ගේ ආබාධ තත්ත්වය සුව කර ගැනීමට නම් අයි.පී.එල්. තරගාවලියට ක්‍රීඩා නොකර ඔහු ශ්‍රී ලංකාවට පැමිණිය යුතු බව ශ්‍රී ලංකා ක්‍රිකට්‌ ආයතනය ඔහුට දන්වා තිබේ.

එංගලන්ත ටෙස්‌ට්‌ තරගාවලියට ආබාධයක්‌ හේතුවෙන් ක්‍රීඩා කිරීමට නොහැකි බව දන්වමින් මාලිංග විසින් ශ්‍රී ලංකා ක්‍රිකට්‌ ආයතනයට ලිපියක්‌ මගින් දැන් වුවද ඔහු අයි.පී.එල්. තරගාවලිය නියෝජනය කිරීමෙන් ආබාධය සුව කර ගැනීමට නොහැකි වීම මත අදාළ තීරණය ගත් බව ශ්‍රී ලංකා ක්‍රිකට්‌ ලේකම් නිශාන්ත රණතුංග මහතා ඊයේ "දිවයින" ට පැවසීය.

"මාලිංග ගේ ආබාධ තත්ත්වය පිළිබඳ වෛද්‍ය වාර්තාවක්‌ අපි ඉල්ලා තියෙනවා. එහිදී ඔහු ගේ ආබාධ තත්ත්වයක්‌ ඇතිනම් අනිවාර්යෙන්ම ශ්‍රී ලංකාවට පැමිණිය යුතුයි. නැතහොත් ඔහුට අයි.පී.එල්. තරගාවලිය නියෝජනය කිරීමේදී එම ආබාධ තත්ත්වය උත්සන්න වීමට පුලුවන්." යනුවෙන් නිශාන්ත මහතා පවසයි.

එංගලන්තය සමග පැවැත්වෙන එක්‌දින තරගාවලියට මාලිංග ක්‍රීඩා කිරීමට නියමිත බැවින් ඔහු අයි.පී.එල්. තරගාවලියේදී ආබාධ සහිතව ක්‍රීඩා කළොත් එය උත්සන්න වීමට ඉඩ ඇති බැවින් මෙම තීරණය ගත් බව නිශාන්ත මහතා පවසයි.

"අපි විශ්වාස කරනවා ශ්‍රී ලංකා ක්‍රිකට්‌ ආයතනය කියන දේට මාලිංග අවනත වෙයි කියල. වෛද්‍ය වාර්තා අනුව ඔහුගේ තත්ත්වය අවධානම් නම් අනිවාර්යෙන්ම ඔහු ශ්‍රී ලංකාවට පැමිණිය යුතුයි. යම් හෙයකින් ඔහු නොපැමිණියහොත් ඒ පිළිබඳව ගන්නා ක්‍රියා මාර්ගය පසුව සලකා බලනවා." යෑයි නිශාන්ත රණතුංග වැඩිදුරටත් පැවසීය.


මාලිංග ටෙස්ට් දිවියෙන් සමුගනියි? -තවම දැනුම් දී නෑ

මාලිංග ටෙස්ට් දිවියෙන් සමුගනියි? -තවම දැනුම් දී නෑ

 

 

 

 

ශ්‍රී ලංකා ක්‍රිකට් කණ්ඩායමේ සුපිරි වේග පන්දු යවන ක්‍රීඩක ලසිත් මාලිංග ටෙස්ට් තරග දිවියෙන් සමුගැනීමට තීරණය කර ඇති බව ඉන්දීය මාධ්‍ය වාර්තා සඳහන් කර තිබිණි.

‍ කෙසේවෙතත් ලසිත් මාලිංග ඒ පිළිබඳව තවමත් ශ්‍රී ලංකා ක්‍රිකට් ආයතනය වෙත දැනුම්දැනීමක් සිදුකර නොමැති බව ඒ පිළිබඳව කළ විමසීමකදී එම ආයතනයේ ලේකම් නිශාන්ත රණතුංග මහතා සඳහන් කළේය.

‍ ටෙස්ට් ක්‍රිකට් පිටියෙන් සමුගත් ශ්‍රී ලංකාව කණ්ඩායම වෙනුවෙන් එක්දින තරග සඳහා ඉදිරියට ද ක්‍රීඩා කරන බව ලසිත් මාලිංග ප්‍රකාශ කර ඇති බව සඳහන්ය.

‍ සිය ශාරීරික සෞඛ්‍ය තත්ත්වය යහපත් අතට හැරී ඇති බවත්, නමුත් දණහිසෙහි පවතින ආබාධිත තත්ත්වය පිළිබඳව තවදුරටත් සැලකිලිමත්වීමට සිදුවන බවත් මාධ්‍ය වෙත නිවේදනයක් නිකුත් කරමින් ලසිත් මාලිංග ප්‍රකාශ කර තිබේ.

‍ පන්දු යැවීම හා රැකීම ඉදිරියට ද සිදුකිරීම තුළින් මෙම තත්ත්වය තවදුරටත් වර්ධනය විය හැකි බවට වෛද්‍ය උපදෙස් ලැබී ඇති බවට මාලිංග සඳහන් කර ඇති බව ද ඉන්දීය මාධ්‍ය වාර්තා සඳහන් කරයි.

 

 

1 comment:

කියන්න, බනින්න, ඔබේ අදහස්