ඩිල්ෂාන් සහ ප්‍රදීප් අයි.පී.එල්. වලින් නිදහස්‌ කරීම හා මාලිංග ගැන

ශ්‍රී ලංකා ක්‍රිකට්‌ කණ්‌ඩායම එංගලන්ත සංචාරයේදී සහභාගි වන පළමු පුහුණු තරගයේ සිට කණ්‌ඩායමට එක්‌වීමට අයි.පී.එල්. නියෝජනය කරන ශ්‍රී ලංකා ක්‍රිකට්‌ නායක තිලකරත්න ඩිල්ෂාන්ට ඉන්දීය ක්‍රිකට්‌ පාලක මණ්‌ඩලය විසින් අවසරය ලැබී තිබේ.

ඒ අනුව ඩිල්ෂාන් සමග අයි.පී.එල්. නියෝජනය කරන නුවන් ප්‍රදීප්ද පළමු පුහුණු තරගයේ සිට කණ්‌ඩායමට ක්‍රීඩා කරන අතර අයි.පී.එල්. නියෝජනය කරන සෙසු ශ්‍රී ලංකා ක්‍රීඩකයන් මැයි මස 18 වැනිදා ශ්‍රී ලංකා කණ්‌ඩායමට එක්‌වීමට නියමිතය.

මැයි මස 14 වැනිදා පැවැත්වෙන පළමු සිව්දින තරගයට අයි.පී.එල්. ක්‍රීඩකයන්ගේ අඩුව පිරවීම සඳහා ශ්‍රී ලංකා ක්‍රිකට්‌ තේරීම් කමිටුව විසින් මලින්ද වර්ණපුර, කෞෂාල් සිල්වා, චමිත් එරංග සහ පර්වීස්‌ මහරුප් නම් කර ඇතත් ඩිල්ෂාන් සහ නුවන් ප්‍රදීප්ගේ පැමිණීමත් සමග කෞෂාල් සිල්වා සමග පර්වීස්‌ මහරුප් හෝ චමිත් එරංග දෙදෙනාගෙන් එක්‌ අයකු පළමු පුහුණු තරගය ක්‍රීඩා කිරීමට නියමිතය. ඒ අතරින් පර්වීස්‌ මහරුප් දැනට එංගලන්ත ප්‍රාන්ත ක්‍රිකට්‌ තරගාවලිය නියෝජනය කරන බැවින් ඔහුට එම අවස්‌ථාව හිමිවීමට වැඩි අවස්‌ථාවක්‌ පවතී. ශ්‍රී ලංකා කණ්‌ඩායම සහභාගි වන පළමු පුහුණු තරග ලබන මැයි 14 වැනිදා මිඩිල්එක්‌ස්‌ කණ්‌ඩායම සමග පැවැත්වේ.

මාලිංග 
එය 19 වැනි සියවසේ මැදභාගය විය. අධික ශීතලෙන් ප්‍රාණවත්ව තිබූ එංගලන්ත තණතීරුවක පන්දුවට පහරදීමට සූදානම්ව සිටියේ එවකට එංගලන්තයේ දක්‍ෂ තුන් ඉරියව් ක්‍රීඩකයකුව සිටි දොස්‌තර විලියම් ගිල්බට්‌ ග්‍රේස්‌ (Dr. William Gilbert Grace) හෙවත් ඩබ්. ජී. ග්‍රේස්‌ය. ඩබ්. ජී. ග්‍රේස්‌ යනු එංගලන්ත ක්‍රිකට්‌ වංශ කතාවේ නම රැන්දු ක්‍රිකට්‌ ක්‍රීඩකයෙකි. ඔහු පන්දුවට පහරදෙනු බැලීමට ක්‍රිකට්‌ ලෝලීහු ක්‍රීඩා පිටි වටා රැස්‌ කනු එකල සුලබ දසුනකි. මෙදිනද විශාල ජනකායක්‌ ක්‍රීඩා පිටිය වටා රොක්‌ව සිටියේ ග්‍රේස්‌ගේ මනරම් පිතිහරඹය දැක ගැනීමටය.

ප්‍රේක්‍ෂක බලාපොරොත්තු සුන් කරමින් තරගයේ ප්‍රථම පන්දුවෙන්ම ග්‍රේස්‌ගේ ඉන්න ගලවා දැමීමට ප්‍රතිවාදී පන්දු යවන්නා සමත් විය. ක්‍රීඩා පිටියම මීයට පිම්බාක්‌ මෙන් නිහඬය. ග්‍රේස්‌ වහා තම පිත්තෙන් කඩුල්ල සිටුවා පන්දු යවන්නා ළඟට ගියේය. "මෙච්චර මිනිස්‌සු ඇවිල්ලා ඉන්නේ උඹ "බෝල්" කරනවා බලන්න නෙමේ, මම "බැට්‌" කරනවා බලන්නයි. දාපන් මිනිහෝ 'බෝල්'.

ග්‍රේස්‌ට අවනත වීම හැර වෙනත් දෙයක්‌ සිතීමටවත් පන්දු යවන්නාට ඉඩක්‌ නොලැබුණි. ග්‍රේස්‌ ඉන්පසු පිටිය වර්ණවත් කරමින් පිතිප්‍රහාරයේ නිරත වූයේ පැමිණ සිටි ප්‍රේක්‍ෂකයන් අමන්දානන්දයට පත් කරමිනි. එකල ග්‍රේස්‌ යනු කෙටියෙන් කිව්වොත් ක්‍රිකට්‌ පිටියේ "කෙරුමෙකි". ඔහු එංගලන්ත ක්‍රිකට්‌ ක්‍රීඩාවට අත්කර දුන් "සුදු ආධිපත්‍යය" අද දක්‌වාද අඩු වැඩි වශයෙන් තිබෙනු දැකගත හැකිය.

එම සිදුවීමෙන් සියවස්‌ දෙකක්‌ ගෙවී යමින් තිබෙන මේ මොහොතේ අප අත්විඳිමින් සිටිනුයේ ක්‍රිකට්‌ ක්‍රීඩාවට බලපා ඇති සුදු ජාතීන්ගේ ආධිපත්‍යයද? නැතහොත් ආසියානු ආධිපත්‍යයද? යන්න මැනවින් විග්‍රහ කළ යුතු මාතෘකාවකි. පසුගියදා නිමාවට පත්වූ ලෝක කුසලාන ක්‍රිකට්‌ තරගාවලිය දෙස බැලූවිට ක්‍රිකට්‌ ආධිපත්‍ය මේ මොහොතේ සතුකරගෙන ඇත්තේ කවුරුන්ද යන්න දැන් මැනවින් පැහැදිලිය.

ක්‍රිකට්‌ ක්‍රීඩාවට බලපා ඇති ආසියානු ආධිපත්‍ය දෙස හොඳින් බැලූ විට අපට සාක්‍ෂාත් කරගත හැකි කරුණක්‌ වනුයේ ආසියානු ක්‍රිකට්‌ ක්‍රීඩාව දේශප්‍රේමය සමග බද්ධව ගමන් කරන බවකි. සියවස්‌ ගණනාවක්‌ යටත් විජිත රාජ්‍යයන්ව පැවැති ආසියානු කලාපයේ සියල්ල තවමත් තීන්දු කරනුයේ "දේශ ප්‍රේමය" වීම අරුමයක්‌ නොවෙන්නා සේම එය ක්‍රිකට්‌ ක්‍රීඩාවට බද්ධ වීම සම්බන්ධයෙන්ද කිසිදු තර්කයක්‌ නොමැත. එහෙත් මෙහි ඇති ෙ€දවාචකය වන්නේ ක්‍රිකට්‌ ක්‍රීඩකයන් "ක්‍රිකට්‌ වෙනුවෙන් ක්‍රීඩා කිරීම" වෙනුවට "රට වෙනුවෙන් ක්‍රීඩා කිරීමේ" සටන් පාඨය පෙරට පැමිණ තිබීමය. මෙහි අවසන් ප්‍රතිඵලය වන්නේ දේශපාලනයේදී මෙන් මහත්වරුන්ගේ ක්‍රීඩාව තුළත් දේශෙද්‍රdaහීන් හා දේශප්‍රේමීන් බිහිවීමය. එය අප මේ මොහොතේ ශ්‍රී ලංකාවේ දී අත්විඳිමින් සිටින්නෙමු.

අප මේ සියලු කරුණු පෙළගැස්‌වූයේ වර්තමානයේ ශ්‍රී ලංකාවේ ක්‍රිකට්‌ ක්‍රීඩාව පවතින අස්‌ථානය පිළිබඳ යම් වැටහීමක්‌ ලබාගැනීමටය. ඉදින් අපි අපගේ ප්‍රස්‌තුතය වෙත එළඹෙමු.
ශ්‍රී ලංකා ක්‍රිකට්‌ කණ්‌ඩායමේ වේග පන්දු යවන ක්‍රීඩක ලසිත් මාලිංග ටෙස්‌ට්‌ පිටියෙන් සමුගැනීමත් සමග ඔහුට නන්දෙසින් විවේචන එල්ල වී තිබෙනු මාධ්‍ය මගින් දැකගත හැකි විය. සත්‍ය ලෙසම මාලිංග ටෙස්‌ට්‌ ක්‍රීඩාවෙන් ඉවත්ව සීමිත පන්දුවාර, 20-20 පන්දුවාර ක්‍රිකට්‌ වෙත යොමු වූයේ මුදලට ඇති ගිජු බව නිසාද?

සහතිකයෙන් ම මාලිංග ආබාධයකින් පෙළෙන්නේද?

ශ්‍රී ලංකා ක්‍රිකට්‌ ආයතනය මාලිංගට කෙනෙහිලිකම් කළාද? යන්න පිළිබඳ ශ්‍රී ලංකා ක්‍රිකට්‌ ලෝලීන් අතර බොහෝ කතාබහට ලක්‌වෙමින් තිබෙන මාතෘකාවක්‌ බවට පත්ව තිබේ. එබැවින් ශ්‍රී ලංකා ක්‍රිකට්‌ ක්‍රීඩාවේ අනාගතය වෙනුවෙන් මේ ගැටලුව වහා නිරාකරණය කරගත යුතුව ඇත.

ක්‍රිකට්‌ වංශ කතාවේ වේග පන්දුකරණය (Fast bowling) ඇරඹෙන්නේ වැරදීමකින් සිදුවූ අත යටින් යෑවූ (under arm bowl) පන්දුවකිනි. එසේ ඇරඹි වේගපන්දුකරණය පසුව අත තිරස්‌ව තබාගෙන පන්දුයෑවීම (Round Arm bowling) බවට පරිවර්තනය වී අද වන විට සයිඩ්-ඕන් (side-On) සහ µaරන්ට්‌-ඕන් (Front-On) යන ප්‍රධාන ඉරියව් දෙකට සීමා වී තිබේ.

ක්‍රිකට්‌ ක්‍රීඩාව අති ධාවනකාරී වෙත්ම වේගපන්දු යවන්නන්ට සිදුවන ආබාධ (Injuries) අවම කරගැනීම උදෙසා ජාත්‍යන්තර ක්‍රිකට්‌ පුහුණු කරුවන්ගේ අධීක්‍ෂණයෙන් හඳුන්වා දුන් Side-on සහ Front-on පන්දුකරණය හේතුවෙන් වේගපන්දු යවන්නන් රැසකට මහත් සෙතක්‌ උදාවී තිබේ. මන්ද මෙම ඉරියව් දෙක භාවිත කරන වේගපන්දු යවන්නන්ට වැළඳෙන ආබාධ අවම මට්‌ටමේ පැවතීම ඊට හේතුවයි.

"සයිඩ්-ඕන්" (Side-On) පන්දුකරණයේ ප්‍රමුඛයකු වන්නේ ඕස්‌ටේ්‍රලියානු ක්‍රිකට්‌ කණ්‌ඩායමේ හිටපු වේග පන්දු යවන්නකු වූ ඩෙනිස්‌ ලිලී (Dennis Lillee) ය. "µaරන්ට්‌ ඕන් (Front-On) පන්දුකරණයේ ප්‍රමුඛයකු වන්නේa බටහිර ඉන්දීය කොදෙව් ක්‍රිකට්‌ කණ්‌ඩායමේ හිටපු කීර්තිමත් වේගපන්දු යවන්නකු වූ මැල්කම් මාර්ෂල් (Malcolm
Marshall) යග මෙම පන්දු යවන්නන් දෙදෙනාම අඩු ආබාධ සහිතව ක්‍රීඩා කිරීම තුළින් ගම්‍ය වන්නේ ඔවුන්ගේ පන්දුකරණය වේගපන්දු යවන්නන්ගේ ශාරීරික යෝග්‍යතාවට කෙතරම් බලපෑමක්‌ ඇති කළේද යන්නය.

ලසිත් මාලිංගගේ පන්දුකරණය ගොඩනැඟී ඇත්තේ මීට හාත්පසින් වෙනස්‌ ඉරියව්වකිනී. එය ක්‍රීඩාවේදී හඳුන්වන්නේ අත තිරස්‌ව සිටිනාසේ කරකවා පන්දු යෑවීම (Round Arm Bowling) හෙවත් "Sling Action" ලෙසය "Sling" යනු කැටපෝලයෙන් විදීම, කවපෙත්ත විසිකිරීම යන අරුත දෙන්නකි. මෙම පන්දුකරණයේ ආරම්භකයා වන්නේ ඩබ්. ජී. ග්‍රේස්‌ (W. G. Grace) ය.

ක්‍රිකට්‌ ක්‍රීඩාව තාක්‍ෂණයෙන් පිරිපුන් වෙත්ම වේගපන්දු යවන්නන්ට මහත් ආබාධ ගෙනදුන් "Sling" පන්දුකරණය ක්‍රිකට්‌ පොතෙන් ඉවත්ව ගියේ ක්‍රිකට්‌ ක්‍රීඩාවේ පැවැත්ම වෙනුවෙන් එය සුබදායක පන්දුකරණයක්‌ නොවූ නිසාය. "Sling
Action" පන්දුකරණය වේගපන්දු යවන්නන්ට හානිදායක වන්නේ කෙසේද යන්න අප විග්‍රහ කර බලමු.

සයිඩ්-ඕන් (Side-on) පන්දුකරණයේ නිරත දකුණතින් පන්දු යවන්නකු පන්දුව මුදාගැරීමේදී ඔහුගේ පසුපාදය විකට්‌ටුවේ පසු රේඛාවට සමාන්තරවත් ඉදිරි පාදය පිතිකරුවා වෙතටත් යොමුව පවතී. මෙහිදී ඔහුගේ ඉදිරි අත ඉහළට එසවී තිබෙන අතර පන්දු යවන්නා පිතිකරු දෙස බලනුයේ ඔහුගේ වම් අතට මෙපිටිනි. මෙහිදී පන්දුයවන්නාගේ තුනටිය සහ දණහිස ප්‍රදේශයට සමාන්තරව බලය යෙදෙන අතර මේ හේතුවෙන් වේගපන්දු යවන්නන්ට අත්විඳීමට සිදුවන දරුණුතම ආබාධයක්‌ වන දණහිසේ ආබාධ (Knee
injuries) අවම කරගැනීමට ඔවුන්ට හැකිවනු ඇත.

"µaරන්ට්‌-ඕන්" (Front-on) පන්දුකරණයේදී පන්දුයවන්නා තමන්ගේ සම්පූර්ණ ශරීරය පිතිකරුවා වෙත යොමු කරන අතර මෙහිදී පන්දු යවන්නාගේ තුනටියට සහ දණහිසට සමාන්තරව බලය යෙදෙන බැවින් Front-on පන්දුකරණයේදී ද ආබාධ ඇතිවීමට අවම මට්‌ටමේ පවතී.

"සයිඩ්-ඕන්" (Side-On) සහ "µaරන්ට්‌ ඕන්" (Front On) පන්දුකරණයේදී පන්දු යවන්නාගේ හිස, දෑත් සහ පාද එකම රේඛාවක පිහිටන බැවින් පන්දුකරණයේදී යෙදෙන බලය ශරීරයේ සියලු අංශ වෙත සමාන්තරව බෙදී යයි. එහෙත් "ස්‌ලින්ග්" (Sling) පන්දුකරණයේදී පන්දුයවන්නාගේ හිස, දෑත් සහ පාද විවිධ රේඛාවල පිහිටන බැවින් පන්දුයවන්නා යොදන බලය වැඩිපුර යෙදවෙන්නේ ඔහුගේ දණහිස සහ තුනටිය ප්‍රදේශයටය. මාලිංගගේ පන්දුකරණයේ ඉරියව් නිරීක්‍ෂණය කළ විට මෙය හොඳින් පැහැදිලි කරගත හැක.

ඒ නිසා ලසිත් මාලිංගගේ "ස්‌ලිනග්" පන්දු රටාව (Sling Action) ඔහුට බලවත් හානිය ගෙනදෙන බව අමුතුවෙන් කිව යුතු නැත. මාලිංග හැරුණු විට පකිස්‌තානයේ කම්රන් කාන් (Kamran Khan), ඕස්‌ටේ්‍රලියාවේ මිචෙල් ජොන්සන් (Mitchell Johnson), ෂෝන් ටේට්‌ (Shaun Tait) බටහිර ඉන්දීය කොදෙව් ක්‍රීඩක පීඩ්ල් එඩ්වර්ඩ් (Fidel Edwards) 'Sling' පන්දුකරණයේ නිරත පන්දු යවන්නන්ය. මෙම පන්දු යවන්නන් අතුරින් සිරුරට සමානව වැඩිම අංශක ප්‍රමාණයකින් (අංශක 90 ආසන්න) "Sling" පන්දුකරණයේ නිරත එකම පන්දු යවන්නා ලසිත් මාලිංගය. එබැවින් මාංලිගට දණහිසේ ආබාධයක්‌ (knee injuries) උරුම වීම අරුමයක්‌ නොවේ.

මාලිංග, දිගින් දිගටම පන්දුකරණයේ නිරත වීමේ අවදානම මතුවූයේ අද ඊයේ නොවේ. එබැවින් මාලිංග ටෙස්‌ට්‌ ක්‍රීඩාවට ආයුබෝවන් කීම පිටුපස ඇති සත්‍ය කතාව ඔහුගේ මේ දණහිසේ ආබාධය බව අමුතුවෙන් කිව යුතු නැත. මන්ද ටෙස්‌ට්‌ තරගයකට ක්‍රීඩා කිරීමේදී ක්‍රීඩකයකුට දින 5 ක කාලයක්‌ ක්‍රීඩා පිටියේ රැඳී සිටීමට සිදුවේ. මේ දින 5 ඇතුළත පැය 30 ක පමණ කාලයක්‌ ක්‍රීඩාපිටියේ රැඳී සිටීමට ක්‍රීඩකයන්ට සිදුවේ. සාමාන්‍යයෙන් වේග පන්දු යවන්නකු නම් මේ පැය 30 ක කාලය ඇතුළත පන්දු වාර 30-40 ආසන්න ප්‍රමාණයක්‌ යවනු ලබයි. මෙය "ස්‌ලින්ග්" (Sling) පන්දුකරණයේ නිරත වේග පන්දු යවන්නකුට නම් ඉතාමත් අහිතකර ප්‍රතිඵල ගෙන දෙන්නකි. පැයකට කිලෝ මීටර් 140-150 අතර වේගයකින් "ස්‌ලින්ග්" (Sling) ඉරියව්වෙන් පන්දුකරණයේ නිරත මාලිංග තවමත් ක්‍රීඩා පිටියේ රැඳී සිටීම ගැන අප සතුටු විය යුත්තේ මේ නිසාය. මාලිංග ඔහුගේ ක්‍රිකට්‌ අනාගතය වෙනුවෙන් ගත් යහපත් තීන්දුව අප අගය කළ යුතුය. එම තීන්දුව ගැනීමේ අයිතිය ඔහුට ඇත.

මාලිංග "ටෙස්‌ට්‌" ක්‍රීඩාවෙන් සමුගැනීම ප්‍රකාශයට පත්කීරීමත් සමග ඇතැම් මාධ්‍ය මගින් දිගින් දිගටම ඔහුව විවේචනය කරනු අප දුටුවෙමු. "මාලිංග රට වෙනුවෙන් ක්‍රීඩා කරන්නේ නැතිව මුදල් පසුපස හඹා යනවා" යනුවෙන්ද අසන්නට ලැබුණි. අපගේ අදහස්‌ නම් එම තර්කවල කිසිදු පදනමක්‌ නැති බවය. අද ලෝකයේ ක්‍රීඩාව ශීඝ්‍රයෙන් වාණිජකරණයට ලක්‌ව තිබේ. මේ වෙළෙඳ පොළ තුළ ප්‍රමුඛතාව ලැබෙන්නේ දක්‍ෂයන්ට වන අතර ඔවුන් වැඩි මිලකට අලෙවි වීම පුදුමයට කරුණක්‌ නොවේ. එබැවින් මාලිංග පමණක්‌ නොව අද ලෝකයේ සියලුම ක්‍රිකට්‌ ක්‍රීඩකයන් ඉන්දියාවට ඇදෙන්නේ "රට වෙනුවෙන්ද, මුදල් වෙනුවෙන්ද? යන්න මේ දිනවල අයි.පී.එල්.  ක්‍රිකට්‌ තරග නරඹන ඕනෑම අයකුට පැහැදිලි කරගත හැක. ශ්‍රී ලංකා ක්‍රිකට්‌ ක්‍රීඩකයන් "රට වෙනුවෙන් ක්‍රීඩා කළ යුතුයි" යන තර්කය නඟන බොහෝ දෙනකුට වටහා ගත නොහැකි සත්‍යය මෙයයි.

ක්‍රිකට්‌ ක්‍රීඩකයන් ක්‍රීඩා කළ යුත්තේ ක්‍රිකට්‌ ක්‍රීඩාව වෙනුවෙනි. ක්‍රීඩාවේ ජීව ගුණය මහත්මා ගුණය ආරක්‍ෂා කරගත හැක්‌කේ එවිටය. ක්‍රිකට්‌ වෙළෙඳ පොළ තුළ ක්‍රීඩකයන් මුදලට විකිණෙන්නේ නම් එය නිවැරදිව කළමනාකරණය කිරීමේ වගකීම පැවරී ඇත්තේ ශ්‍රී ලංකා ක්‍රිකට්‌ ආයතනයටය. ලසිත් මාලිංග ආබාධ හේතුවෙන් ඔහුගේ ක්‍රිකට්‌ අනාගත කළමනාකරණය කරගන්නවා සේම ශ්‍රී ලංකා ක්‍රිකට්‌ ආයතනය කළ යුත්තේ වෙළෙද පොළ තුළ ශ්‍රී ලංකා ක්‍රිකට්‌ ක්‍රීඩකයන්ව නිවැරදිව කළමනාකරණය කර ගනිමින් ක්‍රීඩාවේ යෙදවීමය. "රට වෙනුවෙන්" ක්‍රීඩකයන් ක්‍රීඩාවේ යෙදවීමට පෙර "ක්‍රිකට්‌ වෙනුවෙන්" ක්‍රීඩා කිරීමට ක්‍රීඩකයන් නිවැරදි කළමනාකරණය කරගන්නේ නම් ඉදිරියේ දී වත් මාලිංග වැනි ක්‍රීඩකයන්ට මාධ්‍ය ඉදිරියේ "දණහිස" පෙන්වන්නට ඉඩ නොලැබෙනු ඇත.

ලසිත් මාලිංග යනු ශ්‍රී ලංකාවේ ක්‍රිකට්‌ ක්‍රීඩාව වර්ණවත් කළ තවත් එක්‌ ක්‍රීඩකයෙකි. ඔහු ශ්‍රී ලංකා කණ්‌ඩායමට බොහෝ ජය අත්කරදීමට ලබාදුන් දායකත්වය අගය කළ යුතුය. එහෙත් මාලිංග "ටෙස්‌ට්‌" ක්‍රීඩාවෙන් සමුගැනීම සම්බන්ධව පැවැති මාධ්‍ය සාකච්ඡාවේදී ඔහු කියූ දෑ සම්බන්ධයෙන් අපටද විවේචන තිබේ. මාලිංග එහිදී ශ්‍රී ලංකා ක්‍රිකට්‌ ආයතනයේ පරිපාලනය දැඩිලෙස දොaෂදර්ශනයට ලක්‌ කළේය. ඕනෑම ක්‍රීඩකයකුට තමන්ගේ අදහස්‌ නිදහස්‌ව ප්‍රකාශ කිරීමේ අයිතිය ඇත. එහෙත් එම අදහස්‌ ප්‍රකාශ කිරීමට පෙර එම විවේචන එල්ල කිරීමට තමා කෙතරම් සුදුස්‌සෙක්‌ද යන්න මාලිංග ප්‍රමාද වී හෝ වටහා ගත යුතුය.

මාලිංග ටෙස්‌ට්‌ ක්‍රීඩාවට අත් පොත තැබූ 2004 වර්ෂයේදීම මාලිංගගේ පන්දු යෑවීමේ ඉරියව්ව සම්බන්ධයෙන් නොයෙක්‌ මතවාද තිබුණි. "ස්‌ලින්ග්a" (Sling) ඉරියව් පන්දු යවන්නකු ජාතික කණ්‌ඩායමට කැඳවීම තුළින් ශ්‍රී ලංකා ක්‍රිකට්‌ ආයතනය ක්‍රිකට්‌ ක්‍රීඩාවට නරක ආදර්ශයක්‌ ලබාදී ඇතැයි පවසමින් ජාත්‍යන්තර මාධ්‍ය දැඩි ලෙස ශ්‍රී ලංකා ක්‍රිකට්‌ ආයතනය විවේචනය කළේය. එංගලන්තයේ "විස්‌ඩන්" (Wisden) ක්‍රිකට්‌ සඟරාව මාලිංගගේ පන්දු යෑවීම දැඩි දොaෂ දර්ශනයට ලක්‌ කරමින් "Slinga Malinga" යන හිසින් ලියූ වාර්තාවක ශ්‍රී ලංකා ක්‍රිකට්‌ බලධාරින්ගේ පතුරු ගලවා තිබුණි. ශ්‍රී ලංකා ක්‍රිකට්‌ බලධාරින් මාලිංගට ටෙස්‌ට්‌ වරම් ලබාදුන්නේ මේ විවේචන එල්ල වන බව දැන දැනමය. මන්ද මාලිංග ගේ පන්දු යෑවීමේ ඉරියව්ව නවක ක්‍රිකට්‌ ක්‍රීඩකයන්ටද නරක ආදර්ශයකි. මන්ද "Sling Action" පන්දු යවන්නකුගේ ක්‍රිකට්‌ අනාගතය ඉතා කෙටි කලකින් අවසන් වන බැවිනි. එම නිසා ලෝකයේ කිසිදු ක්‍රිකට්‌ පුහුණුකරුවකු "Sling Action" පන්දුකරණය අනුමත කරන්නේ නැත. නමුත් එදා ශ්‍රී ලංකා ක්‍රිකට්‌ ආයතනය ලසිත් මාලිංග ආරක්‍ෂා කරමින් පන්දුකරණයේ යොදාගත් ආකාරය පැසසිය යුතු කරුණකි. අද මාලිංග වෘත්තීමය ක්‍රීඩකයකු දක්‌වා පැමිණි ගමන් මගේ ගෞරවය හිමිවිය යුත්තේ එවකට ශ්‍රී ලංකා ක්‍රිකට්‌ ආයතනය භාරව කටයුතු කළ බලධාරින්ටය.

වර්තමාන ශ්‍රී ලංකාවේ ක්‍රිකට්‌ දිශානතිය සම්බන්ධයෙන් ඉඟියක්‌ මාලිංග විසින් ලබා දී තිබේ. අද මාලිංගගේ විවේචනය හෙට වෙනත් ක්‍රීඩකයකු විසින් සිදුකළ හැකිය. ක්‍රීඩකයකුට යම් අසාධාරණයක්‌ සිදුවී ඇත්නම් ඒ පිළිබඳව ලිවීමට තවමත් කොන්දක්‌ ඇති මාධ්‍යවේදීහු රටේ සිටිති. එවන් පසුබිමක ක්‍රීඩකයන්,දේශපාලඥයන් මෙන් තමන්ගේ හිතුමතේට පවත්වන මාධ්‍ය සාකච්ඡා තුළින් පෙනෙන්නේ ශ්‍රී ලංකා ක්‍රිකට්‌ පරිහානියේ ගමන් මගද? යන්න බුද්ධිමත්ව විමසා බැලිය යුතුය.

දිවයින ඇසුරින්