ගාල්ලේදි ආරම්භවන පළමු ටෙස්ට් තරගය සදහා ශ්‍රී ලංකා සංචිතය නම් කරයි

 සංචාරක පාකිස්ථානු කණ්ඩායම සහ ශ‍්‍රී ලංකාව අතර පැවැත්වෙන ටෙස්ට් තරඟාවලිය සඳහා ශ‍්‍රී ලංකා කණ්ඩායම නම් කොට තිබෙනවා. මහේල ජයවර්ධනගේ නායකත්වයෙන් යුත් කණ්ඩායමේ උප නායකත්වය හොබවන්නේ ඇන්ජලෝ මැතිව්ස් විසින්. මීට අමතරව තරංග පරණවිතාන, කුමාර් සංගක්කාර, තිලාන් සමරවීර, දිනේෂ් චන්දිමාල් යන ක‍්‍රීඩකයින් කණ්ඩායමට පිතිකරුවන් ලෙස එක්කොට තිබෙනවා. එමෙන්ම චානක වෙළගෙදර, , නුවන් කුලසේකර, තිසර පෙරේරා, නුවන් ප‍්‍රදීප් යන ක‍්‍රීඩකයින් වේග පන්දු යවන්නන් ලෙසද සුරාජ් රන්දිව්, රංගන හේරත් සහ ජීවන් මෙන්ඩිස් යන ක‍්‍රීඩකයින් කණ්ඩායමට එක්වනවා. මේ අතර ප‍්‍රසන්න ජයවර්ධන කණ්ඩායමේ කඩුලූ රකින්නා ලෙස එක් කර ඇති බවයි ශ‍්‍රී ලංකා ක‍්‍රිකට් ආයතනය සඳහන් කරන්නේ.
නිවේදනයක් නිකුත් කරමින් ශ්‍රී ලංකා ක්‍රිකට් ආයතනය සදහන් කරන්නේ අදාළ සංචිතය පළමු ටෙස්ට් තරගය
සදහා පමණක් වලංගු වන බවය.

ඒ අනුව සංචිතය මෙසේය.
01- මහේල ජයවර්ධන (නායක)
02- ඇන්ජලෝ මැතිව්ස් (උපනායක)
03- ටී.එම්.ඩිල්ෂාන්
04- තරංග පරණවිතාන
05- කුමාර් සංගක්කාර
06- තිලාන් සමරවීර
07- දිනේෂ් චන්දිමාල්.
08- ප්‍රසන්න ජයවර්ධන
09- චානක වෙළගෙදර
10- සුරාජ් රන්දිව්
11- රංගන හේරත්
12- නුවන් කුලසේකර
13- නුවන් ප්‍රදීප්
14- තිසර පෙරේරා
15- ජීවන් මෙන්ඩිස්