S L P L කණ්ඩායම් ප‍්‍රසිද්ධ වෙන්දේසියේ විකිනේ

ශ‍්‍රී ලංකා ප‍්‍රිමියර් ලීග් ක‍්‍රිකට් තරඟාවලියේ කණ්ඩායම් 7 ප‍්‍රසිද්ධ වෙන්දේසියේ අලෙවි කිරීමට ශි‍්‍රී ලංකා ක‍්‍රිකට් ආයතනය සූදානම් වනවා. ඒ අනුව එම කණ්ඩායම් පුද්ගලික ගැණුම්කරුවන්ට ඉහළම ලන්සුවකට ලබාගැනීමේ අවස්ථාව හිමිවනවා. වසර 7 ක කාලයක් සඳහා ඇමරිකානු ඩොලර් මිලියන 3ක අවම ලංසුවකට මෙම කණ්ඩායම් වෙන්දේසි කෙරෙනු ඇති. පුද්ගලික ගැණුම්කරුවන්ට ඒ සඳහා ලන්සු තැබීමට මේ මස 25වැනිදා දක්වා අවස්ථාව හිමිවන අතර එදිනම කණ්ඩායම් සඳහා වැඩිම ලංසුවට ගැණුම්කරුවන් තෝරා ගැනෙනු ඇති. මේ අනුව එක් ගැණුම්කරුවෙකුට කණ්ඩායම් 3 ක් සඳහා ලංසු ඉදිරිපත් කිරීමට අවස්ථාව හිමිවනවා. මෙවර ශ‍්‍රී ලංකා පි‍්‍රමියර් ලීග් ක‍්‍රිකට් තරඟාවලිය සඳහා ඉදිරිපත්වන කණ්ඩායම් වන්නේ බස්නාහිර, කඳුරට, නැගෙනහිර, රුහුණ, උතුර, ඌව හා වයඹ යන කණ්ඩායම්. මෙහි එක් කණ්ඩායමකට ක‍්‍රීඩකයන් 18 දෙනෙකුගෙන් සමන්විත සංචිතයක් ඇතුළත්. එම සංචිතයට විදෙස් ක‍්‍රීඩකයන් 6 දෙනෙකු සහභාගි කරගැනීමට අවස්ථාව හිමිවනවා. එහෙත් තරඟයකදී ක‍්‍රීඩා කළ හැකිවන්නේ විදෙස් ක‍්‍රිඩකයන් සිව් දෙනෙකුට පමණයි. ශ‍්‍රී ලංකා ප‍්‍රිමියර් ලීග් තරඟාවලිය ලබන වසරේ මැයි 5 වැනිදා ආරම්භ කිරීමට නියමිතයි. දැනට කණ්ඩායම් 5 ක් සඳහා සුපිරි කි‍්‍රීඩකයින් නම් කර තිබෙනවා. ඒ අනුව බස්නාහිරට දිල්ෂාන්, කඳුරටට සංගක්කාර, රුහුණට මාලිංග, උතුරට මුරලි සහ වයඹට නම් කරන ඇත්තේ මහේලයි. ඌව සහ නැගෙනහිර පළාත් සඳහා විදෙස් ක‍්‍රීඩකයන් දෙදෙනෙකු ඊට නම් කිරීමට නියමිත බවද වාර්තාවනවා.