එක්දින කි‍්‍රකට් තරගවලදී භාවිතා කෙරෙන ඩක්වත් ලූවිස් ක‍්‍රමවේදය වෙනුවට වෙනත් ක‍්‍රමවේදයක් හඳුන්වාදීමට ඉන්දියානු ඉංජිනේරුවෙකු කටයුතු කර තිබෙනවා. ඉදිරි දින දෙක ඇතුළත ඩක්වත් ලූවිස් ක‍්‍රමවේදය වෙනුවට සකස් කළ විකල්ප යෝජනාව ජාත්‍යන්තර කි‍්‍රකට් කවුන්සිලය වෙත ඉදිරිපත් කිරිමටයි අදාළ ඉංජිනේරුවරයා සූදානම් වන්නේ. වී.ජයදේවන් නැමති කේරළ ප‍්‍රාන්තයේ ඉංජිනේරුවරයෙකු වන මොහුගේ සොයා ගැනීමට හිටපු ඉන්දීය කි‍්‍රකට් ක‍්‍රීඩකයෙකු වන සුනිල් ගවස්කාර් ද සිය සහය පළ කොට තිබෙනවා. මෙම නව ක‍්‍රමවේදය වී.ජේ.ඞී.ක‍්‍රමවේදය ලෙසයි හඳුන්වාදී ඇත්තේ. මීට පෙර මෙම ක‍්‍රමවේදය ඉන්දියානු ප‍්‍රාන්ත කි‍්‍රකට් තරග කිහිපයකට ද යොදා ගත් බව ඉංජිනේරු වී.ජයදේවන් මාධ්‍ය වෙත සඳහන් කර තිබෙනවා. 1992 වසරේ පැවති ලෝක කුසලාන කි‍්‍රකට් තරගාවලියේ අවසාන පූර්ව තරගයෙන් පසු ඩක්වත් ලූවිස් ක‍්‍රමය කි‍්‍රකට් ක‍්‍රීඩාවට හඳුන්වාදෙනු ලැබුවා. ඩක්වත් ලූවිස් ක‍්‍රමය යටතේ සිදුවන්නේ අයහපත් කාලගුණයෙන් හෝ වෙනත් හේතුවක් මත තරගයක් අතරමඟ නවතා දැමීමට සිදුවුවහොත් කණ්ඩායම් දෙක ලබා සිටි ලකුණු සංඛ්‍යාව ගැලපුමකට ලක් කර එක් කණ්ඩායමක් ජයග‍්‍රාහකයන් ලෙස තෝරා ගැනීමයි.
Friday, June 1, 2012
ඩක්වත් ලූවිස් වෙනුවට තව එකක්
6:22 AM
No comments
Subscribe to:
Post Comments (Atom)
0 comments:
Post a Comment
කියන්න, බනින්න, ඔබේ අදහස්