ශ්‍රී ලංකා ක්‍රිකට් කණ්ඩායම මෙරටදී සහභාගීවන තරග විකාශය කිරීමේ අයිතිය කාල්ටන් ස්පෝට්ස් නෙට්වර්ක් ආයතනයට පැවරීම අසාධාරණ සහ සදාචාර විරෝධී ලෙස සිදුකරන ලද්දක් බව එම්.ටි.වි චැනල් පුද්ගලික සමාගම අවධාරණය කරයි.
එම්.ටී.වී. මාධ්‍ය ජාලය අභියෝග කරන්නේ එක් පාර්ශ්වයකට වාසිසහගත වන අයුරින් සිදුකළ අදාළ රූපවාහිනි විකාශන අයිතිය පැවරීම වහා අවලංගු කර ශ්‍රි ලංකා ක්‍රිකට් ආයතනයට වැඩි වාසියක් හිමිවන අයුරින් ඊට යළි මිල ගණන් කැඳවන ලෙසය.
ඉදිරි වසර තුනේදී ශ්‍රි ලංකා ක්‍රිකට් ආයතනය සත්තාරකත්වය දරණ මෙරටදී පැවැත්වෙන ජාත්‍යන්තර තරගවල දේශීය රූපවාහිනී අයිතිය කාල්ටන් ස්පෝට්ස් ආයතනයට පවරා ඇතැයි පසුගියදා ශ්‍රි ලංකා ක්‍රිකට් ආයතනය අවස්ථා කිහිපයකදීම සදහන් කළේය.
ඔවුන් ගත් එම තීරණය අභියෝගයට ලක් කරමින් එම්.ටී.වී චැනල් පුද්ගලික සමාගම පසුගිය මැයි 22 වැනිදා ශ්‍රි ලංකා ක්‍රිකට් සභාපතිවරයාට ලිපියකින් දැන්වූයේ අදාළ විකාශන අයිතිය ලබා ගැනීමේදී අනුගමනය කළ යුතු ක්‍රියාවලිය සහ කොන්දේසි කවරේදැයි තමන්ට නිල වශයෙන් දැනුම් දෙන ලෙසය.
ඊට ශ්‍රි ලංකා ක්‍රිකට් ආයතනයේ ප්‍රධාන විධායක නිලධාරී අජිත් ජයසේකර මහතා ජුනි 7 වැනිදා පිලිතුරු ලිපියක් එවා තිබුණි.
නියමිත ක්‍රියා පටිපාටිය අනුගමනය කරමින් අදාළ රූපවාහිනී විකාශන අයිතිය පවරා ඇති බව ශ්‍රි ලංකා ක්‍රිකට් ආයතනය එවු එම ලිපියේ සදහන් විය.
සිය ලිපියෙන් අජිත් ජයසේකර මහතා වැඩිදුරටත් පවසන්නේ අදාළ රූපවාහිනී විකාශන අයිතිය හිමිකර ගැනීම සදහා අයදුම් කරන ලෙස පුවත්පත් දැන්වීම් මගින් දැනුවත් කිරිමක් කළ බවය.
කෙසේ වෙතත් පසුගිය පෙබරවාරි 05 වැනිදා සහ 12 වැනිදා පිළිවෙළින් එම දැන්වීම් පුවත්පත් පළකර තිබුණේ ඉතා කුඩා වපසරියකයි.
නමුත් එස්.එල්.පී.එල් තරගාවලිය සදහා අනුග්‍රාහකයින් කැඳවීමේ දැන්වීම් සම්පුර්ණ පිටුවක් ලෙස ජාතික පුවත්පත් තුනකම පල කිරීමට ශ්‍රි ලංකා ක්‍රිකට් ආයතනය කටයුතු කර තිබුණි.
එම්.ටී.වී. චැනල් පුද්ගලික සමාගම ශ්‍රි ලංකා ක්‍රිකට් ආයතනයට නැවත වරක් ලිපියක් යොමු කරමින් එම රූපවාහිනි විකාශන අයිතිය පැවරීමේ ක්‍රියාවලිය සාධාරණ හා විනිවිද භාවයකින් තොරව කළ බවට ප්‍රධාන කාරණා කිහිපයක් යටතේ අවධාරණය කළේය.
මේ අනුව එම්.ටී.වී. ආයතනය එම ලිපියෙන් ප්‍රකාශ කර සිටින්නේ අදාළ පුවත්පත් නිවේදනය සැබවින්ම පාඨකයා නොමග යවන හා සැබෑ තොරතුරු අනාවරණ නොවන ආකාරයෙන් පළ කර ඇති බවය.
මෙම පසුබිම මත රූපවාහිනි විකාශන අයිතිය පැවරීමේ සමස්ත ක්‍රියාවලියම දෝෂ සහගත බව සහ එම අයිතිය පැවරීමට ගත් තීරණය යුක්ති සහගත නොවන බව එම්. ටී.වී. ආයතනය දක්වා තිබේ.
තමන් ජාතික ආර්ථිකයේ ප්‍රධාන මුලාශයන් බව ශ්‍රි ලංකා ක්‍රිකට් ආයතනයම පිළිගන්නා කරුණකි.
එම ආයතනයේ නිල වෙබ් අඩවියේ දැක්වෙන්නේ මහජනතාවගේ නිරන්තර අවධානයට යොමු වුණු ශ්‍රි ලංකා ක්‍රිකට් රටට දෙන දායාදය ඉමහත් බවය.
ක්‍රිකට් තරගවල රූපවාහිනී දේශීය විකාශන අයිතිය පැවරීම ශ්‍රි ලංකා ක්‍රිකට් ආයතනයේ ප්‍රධානතම ආදායම් මාර්ගය වේ.
වාර්තා වන අන්දමට දැඩි මුල්‍ය අර්බුදයක සිටින ශ්‍රි ලංකා ක්‍රිකට් ආයතනයට එම ගැටලු විසදා ගැනීමට ඇති මාහැගි අවස්ථාවද එම අයිතිය ඉහළ මිලකට අලෙවි කිරීම බව විචාරකයින් පෙන්වා දෙයි.
එම්.ටී.වී. ආයතනය යොමු කළ ලිපියේ දැක්වෙන අන්දමට එක් ලන්සුවක් පමණක් සැළකිල්ලට ගෙන රූපවාහිනි විකාශන අයිතිය පැවරීමට ගත් තීරණය අවලංගු කර ශ්‍රි ලංකා ක්‍රිකට් ආයතනයට ඉහළ මුදලක් උපයා ගත හැකිවන අයුරින් යළි සෙසු තරගකාරී ආයතනවලට ද ඉදිරිපත්වීමට අවස්ථාව ලබාදෙනු ඇතැයි යන්න ජනතාවගේ අපේක්ෂාවයි.
Wednesday, June 20, 2012
ක්‍රිකට් තරග මෙරට විකාශය කිරීමේ අයිතිය CSN ට දුන් විදිහ මහරාජා අභිෙයාග කරයි
6:17 AM
2 comments
Subscribe to:
Post Comments (Atom)
කෝමහරි සිරස ගේම අතහරින පාටක් නෑනෙ...
ReplyDeletecsn eka kageda? eka tamai ekata cricket denna hetuwa. melo rahak naha csn hariyata pennet naha hamatanama.owa kiyala wadak naha baduth hamudurwange nagduth hamuduruwange.
ReplyDelete