ශ්‍රී ලංකා ප්‍රිමියර් ලීග් පන්දුවාර 20-20 ක්‍රිකට්‌ තරගාවලියේ දේශීය සහ විදේශීය ක්‍රීඩකයන්ගේ ජාත්‍යන්තර දක්‍ෂතා සහ පළමු පෙළ තරගාවලි දක්‍ෂතා අනුව ක්‍රීඩකයන් වර්ගීකරණය කිරීමෙන් අනතුරුව කණ්‌ඩායම් සඳහා ක්‍රීඩකයන් තෝරා ගැනීමට නියමිතව ඇත.
එහිදී පළමු කාණ්‌ඩයට ජාත්‍යන්තර තලයේ විශිෂ්ඨ දක්‍ෂතා දක්‌වන ක්‍රීඩයන්ද දෙවැනි කාණ්‌ඩයට ජාත්‍යන්තර තරගවලදී දක්‍ෂතා දක්‌වා තිබෙන ක්‍රීඩකයන්ද තෙවැනි කාණ්‌ඩයට පළමු පෙළ ක්‍රීඩා කර ඇති ක්‍රීඩකයන්ද ඇතුළත් වන බව වාර්තා වේ.
තරගාවලිය නියෝජනය කරන සියලුම ශ්‍රී ලංකා ක්‍රීඩකයන්ට මෙරට පළමු පෙළ තරගවලදී ගෙවනු ලබන සුලු මිල ගණන් ගෙවීමට යෝජිතව තිබුණද සෑම ක්‍රීඩකයකුටම සාධාරණයක්‌ ඉටු කිරීමේ අරමුණින් තරගාවලියේ ප්‍රධාන අනුග්‍රහකයන් වන සමර්සෙට්‌ එන්ටර්ටේ්‍රට්‌මන්ට්‌ ආයතනය සෑම ක්‍රීඩකයකු ස්‌ථාන ගතවන කාණ්‌ඩ අනුව (දේශීය සහ විදේශීය) එකම මුදලක්‌ ගෙවීමට කටයුතු යොදා ඇත.
ඒ අනුව වසර තුනක කාළයක්‌ සඳහා පළමු කාණ්‌ඩයට ඇතුළත් සියලුම ක්‍රීඩකයන්ට ඇමරිකානු ඩොලර් 35000 බැගින්ද (රු.4725000/} ක් පමණ) දෙවැනි කාණ්‌ඩයට අයත් වන සියලුම ක්‍රීඩකයන්ට ඇමරිකානු ඩොලර් 25000 බැගින්ද ගෙවීමට නියමිතව තිබේ. මීට අමතරව තෙවැනි කාණ්‌ඩයට ඇතුළත් ශ්‍රී ලංකා ක්‍රීඩකයන්ට ඇමරිකානු ඩොලර් 6000 ක්‌ද තෙවැනි කාණ්‌ඩයට ඇතුළත් වන විදේශීය ක්‍රීඩකයන්ට ඇමරිකානු ඩොලර් 10000 බැගින්ද ගෙවීමට නියමිතව ඇත.
ක්‍රීඩකයන් තෝරා ගැනීම ලබන මස 5 සහ 6 වැනි දිනවලදී කුසපත් ඇදීමේ ක්‍රමයක්‌ මගින් කණ්‌ඩායම් හිමිකරුවන් විසින් තෝරා ගැනීමට නියමිතව ඇත.
ශ්‍රී ලංකා ජාතික කණ්‌ඩායමේ ප්‍රබල ක්‍රීඩකයන් වන මහේල ජයවර්ධන, කුමාර් සංගක්‌කාර, තිලකරත්න ඩිල්ෂාන්, ලසිත් මාලිංග, ඇන්ජලෝ මැතිව්ස්‌ සහ මුත්තයියා මුරලිදරන් පළමු කාණ්‌ඩයට ඇතුළත්ව සිටින ක්‍රීඩකයන් වන අතර දෙවැනි කාණ්‌ඩයට දිනේෂ් චන්දිමාල්, උපුල් තරංග, තිසර පෙරේරා, සුරාඡ් රන්දිව්, ජීවන්ත කුලතුංග, නුවන් කුලසේකර, ළහිරු තිරිමාන්න සහ චාමර සිල්වා ඇතුලු ක්‍රීඩකයන් මේ වන විට තෝරාගෙන ඇති බව වාර්තා වේ. මේ දිනවල ජාතික කණ්‌ඩායමේ ස්‌ථානයක්‌ නොමැතිව සිටින එහෙත් ඉකුත් කාලවලදී ජාත්‍යන්තර තරගවලදී දක්‍ෂතා දක්‌වා ඇති ක්‍රීඩකයන් කිහිප දෙනෙක්‌ද දෙවැනි කාණ්‌ඩයට තෝරා ගෙන ඇත.
ඔස්‌ට්‍රේලියාවේ බ්‍රෙට්‌ ලී, පාකිස්‌තානයේ ෂහිඩ් අප්රීඩි, උමාර් අක්‌මාල්, සයිඩ් අඡ්මාල්, මොහොමඩ් හපීස්‌ට අමතරව දකුණු අප්‍රිකානු, එංගලන්ත, නවසීලන්ත, බංග්ලාදේශ්, සිම්බාබ්වේ, බටහිර ඉන්දීය කොදෙව්, එංගලන්ත, අයර්ලන්ත සහ නෙදර්ලන්ත ක්‍රීඩකයන්ද පළමු, දෙවැනි සහ තෙවැනි කාණ්‌ඩ යටතේ ශ්‍රී ලංකා ප්‍රිමියර් ලීග් පන්දුවාර 20-20 ක්‍රිකට්‌ තරගාවලිය නියෝජනය කිරීමට නියමිතව ඇත.
මීට අමතරව සෑම කණ්‌ඩායමකම ප්‍රධාන පුහුණුකරු ලෙස විදේශී පුහුණුකරුවන් කටයුතු කරන අතර සහය පුහුණුකරුවන් සියලු දෙනා ශ්‍රී ලංකාවෙන් තෝරා ගෙන තිබේ.
තරගාවලිය නැරඹීම සඳහා වන ප්‍රවේශ පත්‍රවල මිල රු. 50, 100, 500 සහ 1000 වශයෙන් වන අතර එහිදී සෑම තරගයකම විවේක කාලය අතුරතුරදී නරඹන්නන් සඳහා දිනුම් ඇදීමකින් යතුරු පැදියක්‌ ත්‍යාග වශයෙන් පිරිනැමීමටද යෝජිතව තිබේ.
වැඩිම වටිනාකම වයඹ වුල්ව්ස්‌ කණ්‌ඩායමට
තරගාවලිය නියෝජය කරන කණ්‌ඩායම් හත අතරින් වැඩිම වටිනාකම වයඹ වුල්ව්ස්‌ කණ්‌ඩායමට හිමිව ඇති අතර එම කණ්‌ඩායම ඇමරිකානු ඩොලර් මිලියන 5.02 ක මුදලකට අළෙවි වී ඇති බව වාර්තා වේ. එමෙන්ම අවම වටිනාකම හිමි කණ්‌ඩායමට බවට නැගෙනහිර නාගාස්‌ කණ්‌ඩායම පත්ව ඇති අතර එම කණ්‌ඩායම ඇමරිකානු ඩොලර් මිලියන 2.02 කට අළෙවි වී තිබේ. මීට අමතරව කඳුරට කිඩ්ස්‌ (ඇ.ඩො.මි.4.98), රුහුණ රයිනෝස්‌ (ඇ.ඩො.මි. 4.06), උතුර ඔරෙක්‌ස්‌ (ඇ.ඩො.මි. 3.04), ඌව යුනිකෝන් (4.06), සහ බස්‌නාහිර බෙයාර් (4.33) වශයෙන් අළෙවි වී ඇති බව වාර්තා වේ.
නවතම වාර්තා අනුව එස්‌.එල්.පී.එල්. තරගාවලියේ සමස්‌ථ කණ්‌ඩායම් හත අළෙවි වී ඇති මිල ගණන්වල එකතුව ශ්‍රී ලංකා රුපියල් 473,850,0000 කට පමණ (දළ වශයෙන් හාරසිය හැත්තෑ තුන් කෝටි අසූ පන් ලක්‍ෂයක්‌ පමණ) අළෙවි වී ඇත.
සමාරම්භක උළෙල 10 වැනිදා සුගතදාස ගෘහස්‌ථ ක්‍රීඩාංගණයේදී
අගෝස්‌තු මස 10 වැනි දින ප.ව. 5.00 සිට පැවැත්වීමට නියමිතව තිබේ. ඒ සඳහා භාතිය, සන්තුෂ් ප්‍රමුඛ ශ්‍රී ලංකාවේ ජනප්‍රිය ගායක ගායිකාවන්ට අමතරව ඉන්දියානු ගායක ගායිකාවන් කිහිපදෙනෙකුද සහභාගි වීමට නියමිතය.
තරගාවලිය ලොව පුරා රටවල් 10 කට අධික සංඛ්‍යාවක්‌ සඳහා සජීවීව නැරඹීමේ අවස්‌ථාව එස්‌.එල්.පී.එල්. තරගාවලියේ නිල රූපවාහිනී විකාශන හිමිකරු වන එස්‌.ඊ.ටී. ආයතනය බලපොරොත්තු වේ.
Thursday, June 28, 2012
SLPL සෑම ක්‍රීඩකයෙකුම ඇමරිකානු ඩොලර් 35000 ක් වෙන්දේසියක් නෑ සමාරම්භක උළෙල 10 වැනිදා
5:51 AM
2 comments
Subscribe to:
Post Comments (Atom)
PATTA
ReplyDeleteඅහ් බලමුකො එහෙනං ඒ ජවුසමත් කෝමද කියලා....
ReplyDelete